كلبي على وطني 00 قصيدة للشاعر الكبير عريان السيد خلف اتمنى ان تروق لكم

ياوطني الموشوم بالقنابل
ياوطن الاشجار وأنهار والجداول
ياوطن الأديان والايمان والتساهل
ياوطن الأشعار والاصرار والتفاؤل
ياوطن الأيتام والأرامل
ياوطني المقتول والمقاتل!

انزف صبر ياوطني ... بية الك مية جرح
كلما يهيد الألم بجروحي أذر الملح
افديك ياوطني لو مية مرة انذبح
واشرب نخب هيبتك من المسا للصبح
مثلك محب ما الي ومثلك جرح مايصح
يارمح بضمايري لاخطه ولا صابني
كلبي على وطني

كلبي على وطني وي رشفة الفنجان
وبكل تحية صبح من حايط الجيران
لو مانت حيرتي ماكان كل ماكان
من غير ارض واهل ماقيمة الانسان
من غير أرض وطن ماقيمة الانسان
بس ياخسارة الأهل
من حط رحله الجمل....
وياك علو الجبل
ولا رخص علج اجنبي تخضع وتنحني
كلبي على وطني

كلبي على وطني وي سحابة تفوت
وعن كل بطل ما بخل فوك التراب يموت
وعن كل دمع من يشع عاخد يكع بسكوت
وعن كل كمر لو ظهر ... وبحزن روحي انتحر
والطير فوك الشجر
ينشد بأعذب صوت
الماي من ينغلي من لوعته يغني :
آنه انجوي ابطيبتي وكل حي طلع مني
كلبي على وطني .......

أهواك ياموطني لو جنتك ناري !!
انزف لك الدم شعر واهديلك اشعاري
كل يوم نكعد سوه واحجيلك اسراري
تفكدني من ابتعد وتزورني بداري
وابجيلك بلا دمع واشرحلك الجاري
معذور من سرني
ومعذور من لامني
كلبي على وطني ...

كلبي على وطني الكل عمري جان الأهم
أسكيه ابمي دمعتي ويسكيني كاس الندم
انطيته حلم العمر وانطاني جنة وهم
واني مثل هالبشر هم روحي دم ولحم
وماضعف حبي اله
ولاغيرت مسكني
كلبي على وطني .....

بالحرب شلتك نبض من ساتر لساتر
وشربتك ابخوذتي من حبك الطاهر
تغفه اعله سبابتي ويبقه الكلب ساهر
ومن ضاك بيك الوكت انطيتك اخواني
كلما تذبل كمر وتطلب كمر ثاني !!
لاجيت عزيتني ولا شاركت حزني
أشكيك يامنيتي لو تشتكي مني؟
كلبي على وطني ..

كلبي على وطني كلما تدك صافرة
وكلما قذيفة غدر وتنطق من طائره
وعن كل طفل منذهل وعن نظرته الحايرة
وكل قنبلة لو اجت وبأرضك اتفجرت
اتفجر الحالتي وبجفوفك اتناثر
أحزانه صوغتك وايامنة امكابر
وبس الحزن والألم من شجرتك ينحني
كلبي على وطني ..

كلبي على وطني وباجر يرشني الفرح كلبي على وطني ...

تحت السمه الحالمه واضحك بكل المرح
انسه الجرح والالم واحرك اوراق الندم
ومعذور ذاك الوكت لو بيه ضحك سني
كلبي على وطني

موضوع مميز شكرا لك

» اساطير الحب القصيدة الغزلية للشاعر الكبير السيد مصطفى جمال الدين رحمه الله .
» قصيدة غزل لنزار القباني
» قصيدة طالب يكره الرياضيات
» لمحة موجزة للشاعر محمود درويش
» لمحة موجزة للشاعر حسان بن ثابت